kaano la daydi?

a maysaak a simotsimot?

a nangkawil iti nakiray a lawag?

a kaatag dagiti ranitrit

ti marmarba a papag

iti kumkumiapot nga arimukamok

iti agkebbakebba a tilmon

ket, kumutukot ti ling-et iti likkaong

a pagtataudan ti namantaw nga anges

iti nadarang a rukib

ti nasutil a kinikin

ket, umapal ti anniniwan

kadagiti mailiw a nagsuek a pungan

biagen ti gatel

ti rugso ti ubbog ti nadursok a karawa

kas alidukdok ti daniw

a mangtakkab ti nakirab a panagtalek

itanemko ti riniwriw a kusilap

kadagiti layus ti agpugsapugsat a katawa…

Right Sidebar

Go to widget Settings Page and add content to Left Sidebar Widget.